Сябры “Маладога фронту” адзначаюць дзесяцігодзьдзе сваёй арганізацыі, якая дагэтуль не зарэгістраваная. Паводле ўнутранага архіву, за дзесяць гадоў у “Маладым фронце” пабывалі каля 19 тысяч юнакоў і дзяўчат. Толькі пасьля леташняй прэзыдэнцкай выбарчай кампаніі завялі каля сарака крымінальных справаў супраць сяброў “Маладога фронту”. Дзясяткі адбылі адміністрацыйныя арышты за ўдзел у вулічных акцыях.