Падчас рэспубліканскага фестывалю нацыянальных культур, які адбываўся ад 13 да 15 чэрвеня, Гарадзенскія моладзевыя актывісты правялі шэраг міні-акцый па інфармаваньню ўдзельнікаў і гасьцей фестывалю пра сапраўднае становішча ў краіне.

Таксама, у нядзелю наведвальнікаў фестывалю вітаў драўляны помнік князя Вітаўта зь бел-чырвона-белым сьцягам.

Актывісты раздалі агулам некалькі сотняў улётак, з текстам артыкулу Севярына Квяткоўскага "Краіна гастрабайтэраў".

Па словах аднаго з маладзёнаў, такім чынам яны хацелі дасягнуць двух мэтаў. Па-першае, гэта нагадаць удзельнікам і гасьцям фэстывалю пра нацыянальную Беларускую культуру. А па-другое, паказаць людзям, што негледзячы на пышныя мерапрыемствы, эканамічнае становішча краіны далёка не самае лепшае, і нават пад час сьвятаў  "не варта забывацца пра суворую штодзённасьць".

Падчас акцый ніхто затрыманы ня быў, нягледзячы на вялікую колькасьць супрацоўнікаў міліцыі і "людзей у цывільным".