4 сакавіка ў Таліне скончыўся кангрэс новай дыяспары Эўропы і ЗША, а таксама прадстаўнікоў дэмакратычных сілаў Беларусі. У ім узялі ўдзел дэлегаты з больш як 25 розных арганізацыяў, партыяў і груп. Гэта – актыўныя маладыя беларусы з Беларусі, ЭЗ і ЗША, якія зацікаўленыя ў супрацоўніцтве паміж сабою. Прысутнічалі таксама ганаровыя госьці, прадстаўнікі старэйшага пакаленьня беларускай дыяспары і беларускай палітычнай і культурнай эліты: Зянон Пазьняк, Алесь Шатэрнік і Якаў Гутман.

Удзельнікі кангрэсу знайшлі агульныя каштоўнасьці і стратэгічныя мэты, няледзячы на тое, што яны маюць рознае бачаньне сітуацыі ў нашай краіне і розныя палітычныя погляды. Акрамя гэтага яны вызначылі прадметны план дзеяньняў у сьферы інфармацыйнай працы, абароны інтэрэсаў беларускіх дэмакратычных сілаў, прасоўваньня беларускай культуры ў сваіх краінах. На базе суладнай пазыцыі па будучыні Беларусі, па пэрспэктыўных накірунках сумеснай працы прынялі дэклярацыю пра намеры па выніках кангрэсу. Падчас асабістых нефармальных стасункаў удзельнікі кангрэсу лепш пазнаёміліся, абмеркавалі магчымасьць сумеснай працы і ўзаемадапамогі. Удзельнікі адзначылі, што існуе неабходнасьць каардынацыі дзеяньняў і ўзмацненьне эфектыўнасьці працы дыяспары ў Прыбалтыцы, Скандынавіі і ЗША.

Удзельнікі Кангрэсу новай дыяспары мелі плённыя сустрэчы са спадарыняй Крыстынай Аюланд – віца-сьпікерам Парляменту Эстоніі, Міністрам замежных справаў Эстоніі спадаром Паэтам, прадстаўнікамі эстонскага дэпутацкага корпусу, грамадзянамі, журналістамі і інтэлектуаламі. Гаворка ішла пра сітуацыю ў Беларусі, ролю дыяспары ў працэсах дэмакратызацыі краіны, а таксама пра тое, чым Эстонія ў гэтым можа дапамагчы. Таксама прайшлі сустрэчы з акрэдытаванымі ў Эстоніі дыпляматамі з ЗША і Швэцыі. Удзельнікі Кангрэсу далі ім інфармацыю пра рэальную сітуацыю ў Беларусі і мерах, якія маглі бы наблізіць дэмакратычныя зьмены.

Удзельнікі Кангрэсу вырашылі зрабіць яго рэгулярным і штогадовым, а таксама стварыць паміж сабой сетку узаемадзеяньня.

Сустрэча удзельнікаў кангрэса з прадстаўнікамі эстонскай дзяржавы і дыпляматамі.

Якаў Гутман тлумачыць дэпутату Сільверу Мэйкеру становішча з дзяржаўным антысемітызмам у Беларусі.

Удзельнікі кангрэса.

Зянон Пазьняк, Алесь Шатэрнік і Амбасадар Швэцыі ў Эстоніі ўзгадваюць часы набыцьця Беларусьсю незалежнасьці.

Урмас Паэт - міністр замежных справаў Эстоніі і Зянон Пазьняк на сустрэчы з удзельнікамі кангрэса.

Сустрэча пакаленьняў: Зянон Пазьняк і Тацьцяна Елавая

Гутарка з віцэ-спікерам эстонскага парляменту спадарыняй Аюланд аб становішчы ў Беларусі.

Цырымонія уручэньня Ордэна Свабоды: прамова аўтара.

Кіраўнік Беларускага маладзевага руху Амерыкі прэзентуе ўзнагароду.

Фота Юліі Дарашкевіч www.nn.by

 Зьміцер Дашкевіч атрымаў ордэн

Гэта ордэн Свабоды імя Кастуся Каліноўскага, зроблены з бронзы скульптурам Алесем Шатэрнікам. На ордэне – выява Кастуся Каліноўскага, на звароце надпіс: "Жыві ў свабодзе!".

Зьміцер Дашкевіч, адзін з лідэраў незарэгістраванай арганізацыі "Малады фронт", першым узнагароджаны гэтым ордэнам. Зьміцер Дашкевіч уганараваны за мужнасьць і пасьлядоўнасьць у змаганьні за свабоду.

Ініцыятары і заснавальнікі ўзнагароды – моладзевыя арганізацыі, актывісты альянсу Маніфэста "Час перамагаць", у ліку якіх "Беларускi Моладзевы Рух Амэрыкі", "Бунт", "Ініцыятыва","Паветра", "Погляд", "Трэці Шлях".

На ўрачыстай сымбалічнай цырымоніі ўзнагароджаньня, якая прайшла ў Музэі акупацыі ў Таліне 4 сакавіка, сабраліся моладзевыя актывісты – удзельнікі Кангрэсу маладой беларускай дыяспары з Эўразьвязу і ЗША, моладзевыя актывісты зь Беларусі, а таксама прадстаўнікі Эстоніі і старшыня Кансэрватыўна-Хрысьціянскай Партыі БНФ Зянон Пазьняк.

Са Зьмітром Дашкевічам, які ня змог прыехаць у Талін, удзельнікі цырымоніі былі злучаныя тэлефоннай сувязьзю.

У чатырохдзённым Кангрэсе новай дыяспары, як назвалі яго арганізатары, узялі узел каля 20 моладзевых актывістаў ЗША, Францыі, Нямеччыны. Швэцыі, Польшчы, Літвы, Эстоніі, а таксама зь Беларусі.

Удзельнікі дамовіліся аб накірунках супольнай дзейнасьці для таго, каб прадстаўляць беларускую культуру і беларускія нацыянальныя інтарэсы за мяжой, як паведаміў радыё Свабода адзін з асноўных ініцыятараў і арганізатараў Кангрэсу, каардынатар "Трэцяга шляху" Павал Марозаў. Неўзабаве зьявіцца сайт Кангрэсу.

У ліку арганізатараў, апрача беларускіх моладзевых арганізацыяў – эстонская арганізацыя "Новы шлях для Беларусі", Эстонскі інстытут зьнешняй палітыкі, група "За вольную Беларусь" эстонскага парлямэнту.

Удзельнікі Кангрэсу таксама сутракаліся зь віцэ-спікерам эстонскага парламента Крысцінай Оюланд і міністрам замежных спраў Урмасам Паэтам.

Радыё Свабода

Эстонскі парламент альбо па эстонскі Рыгікогу

Размова з эстонскімі парламентарыямі

Зянон Станіслававіч распавядае пра сітуацыю на Беларусі

Агенты расейскага уплыва у Балтыі цікавятся што мы тут робім :)

Зала паседжанняў

Сімбаль эстонскай дзяржаве на вежы Длінны Герман над парламентам і нашы людзі таксама там

Таллін з вежы Длінны Герман

Фота Зміцера Траецкага www.belmov.org

Выстава Юліі Дарашэвіч у Музеі Акупацыі у Таліне

Фота Зміцера Траецкага www.belmov.org