Парлямэнцкія выбары пройдуць напрыканцы верасьня

Да такой высновы прыйшлі сёньня кіраўнік беларускай дзяржавы Аляксандар Лукашэнка і старшыня Цэнтарвыбаркаму Лідзія Ярмошына.

Раней спадарыня Ярмошына некалькі разоў заяўляла, што найлепшы дзень для выбараў у Палату прадстаўнікоў – 12 кастрычніка. Аднак сёньня А.Лукашэнка згадаў, што Канстытуцыя прадугледжвае правядзеньне выбараў у два туры. Таму больш прымальным выглядае дзень напрыканцы верасьня.

Згодна з Канстытуцыяй дату выбараў вызначае сваім указам прэзыдэнт Беларусі. Асноўны закон не вызначае дакладную дату правядзеньня выбараў. У ім прадугледжана толькі мяжа, пазьней за якую праводзіць выбары нельга.

Калі выбары сапраўды пройдуць напрыканцы верасьня, дык афіцыйная выбарчая кампанія пачнецца напрыканцы чэрвеня – за тры месяцы да выбараў.