30 чэрвеня пачнецца доўгатэрміновая акцыя ў абарону помнікаў архітэкт

У межах кампаніі "Выратуем Горадню разам!" актывісты моладзі й Партыі БНФ, Маладога фронту й руху "За свабоду" арганізуюць сьвяткаваньне Купальля з 30 чэрвеня на 1 ліпеня. Плянуецца, што пасьля сьвяткаваньня моладзь застанецца на доўгатэрміновую абарону Горадні. Вядомы беларускі гісторык і празаік, сябра Сойму Партыі БНФ Уладзімер Арлоў прапанаваў назваць летнік абаронцаў "Гарадзенская фартэца".
Удзельнікі ацкцыі будуць штодзённа распаўсюджваць інфармаыю аб зьдзейсненых і заплянаваных злачынствах Гарадзенскіх уладаў, а, таксама, возьмуць удзел у дзеяньнях, накіраваных на прадухіленьне спробаў працягнуць вандалізм.
Жыхароў "Гарадзенскай фартэцы" чакае добрая культурная праграма, запрошаны барды Віктар Шалкевіч і Тацяна Беланогая.

 Па меркаваньню арганізатараў удзел у летніку возьме не меньш за некалькі дзесяткаў маладзёнаў.
Мэта акцыі - стварыць максімум перашкодаў дзеля працягу незаконных будаўнічых працаў у гістарычным цэнтры Гародні. "Зараз галоўнае - пратрымацца да восені, калі сэзон будаўнічых работ скончыцца. А праз год, магчыма, усё зьменіцца ў краіне", - кажа Алесь Залеўскі.
Да ўдзелу ў летніку запрашаюцца ўсе жадаючыя.
З арганізатарамі можна звязацца па тэлефонах:
У Менску:
(029)6685821 - Франак
(029)7097606 - Аляксандра
У Гародні:
(029)5661842 - Алесь
(029)7844022 - Максім
(029)7883163 - Андрусь
(029)6607299 - Павал