Дзень Волі Анлайн http://belarusy.eu будзе праводзіць жывы рэпартаж з Дня Волі

Новы праект Дзень Волі Анлайн http://belarusy.eu будзе праводзіць жывы рэпартаж з Дня Волі ў нядзелю 25-га сакавіка. Падзея будзе аператыўна асвячацца ў рэжыме анлайн. Вы зможаце сачыць у жывым рэжыме за тым, што адбываецца ў эпіцэнтры падзей у Мінску ў гэты дзень. На сайце будуць змешчаныя фота, відэа і аўдыя матэр’ялы. Сайт пачне працаваць у 8 гадзін раніцы 25-га сакавіка.

Маніторынг будзе праводзіцца камандаю, якая складаецца з беларускіх грамадзкіх ініцыятыў і актывістаў, такіх як “Трэці Шлях” (3dway.org), “Вока” (moladz.org) “Ініцыятыва” (iniciative.org) “За свабоду палітвязнуў у Беларусі” (za.nashih.info) і іншых.

Год таму ўлады жорстка разагналі мірную дэманстрацыю на Дзень Волі. Інфармацыя пра гэта не была даступная шырокаму колу людзей. Мэта нашага праекта прадставіць аб’ектыўную інфармацыю з месца падзей не толькі для Беларусі, але і міжнароднай супольнасці. Просім Вас далучыцца да гэтай агульнанацыянальнай грамадзкай ініцыятывы. Вы можаце дапамагчы, распаўсюдзіўшы інфармацыю пра сайт Дзень Волі Ан-лайнhttp://belarusy.eu, а таксама дадаўшы сваю гарачую навіну праз форму, відэа ці аўдыя на э-мэйл info@belarusy.eu

Дзень Волі – гэта нашае свята! Адсвяткуем яго разам!

З павагай,
Каманда праекта Дзень Волі Ан-лайн
http://belarusy.eu
info@belarusy.eu