Міколу Астрэйку накіравалі ў шклоўскую калёнію
09/30/2006 - 05:58Пра гэта паведаміла маці лідэра “Партнэрства” са спасылкай на супрацоўнікаў Менскага сьледчага ізалятару. Паводле Яўгеніі Астрэйкі, яе сына накіравалі ў Шклоў у другой палове дня 29 верасьня. У Дэпартамэнце выкананьня пакараньняў адмовіліся камэнтаваць гэтыя зьвесткі.
Шклоўская калёнія лічыцца калёніяй узмоцненага рэжыму — між тым, Мікола Астрэйка асуджаны да 2 гадоў зьняволеньня ва ўстанове агульнага рэжыму. Вядома, што ў гэтай калёніі дзейнічае турэмнае тэлебачаньне, якім кіруе былы старшыня Белтэлерадыёкампаніі Ягор Рыбакоў, асуджаны за крадзеж болей як 1 мільёна даляраў.
Алег Грузьдзіловіч, Менск
svaboda.org
Отправить комментарий