http://www.3dway.org Новости ru Copyright 2005-2007, The Third Way, 3dway.org judi@3dway.org 3dway@3dway.org Third Way RSS generator 2.0 http://3dway.org/rsslogo.gif http://www.3dway.org/ http://www.3dway.org/node/8835 Лідэр польскай “Салідарнасці” і былы прэзідэнт Лех Валенса ўручыў беларускаму палітыку і навукоўцу Станіславу Шушкевічу статуэтку голуба - пераходзячую ўзнагароду за заслугі ў барацьбе за правы чалавека.    Яна ўзнікла з нагоды 60-х угодкаў ухвалення Дэкларацыі правоў чалавека. Валенса атрымаў статуэтку голуба ад былога прэм'ера Польшчы Ежы Бузека, а той - ад старшыні Еўрапарламента Ганса-Герта Поэтэрынга. “З усяго свету я абраў Шушкевіча, каб свет даведаўся, што гэты чалавек заслугоўвае на гэта. Ён браў вялікі удзел у спыненні існавання СССР, а свет яго не заўважае”, - сказаў пры ўручэнні статуэткі Валенса. Лаўрэят Нобелеўскай прэміі ў 2007 годзе заявіў Шушкевіча кандыдатам на атрыманне прэстыжнай узнагароды. Станіслаў Шушкевіч, прымаючы статуэтку, якая перад ім была таксама ў Папы Рымскага Бенедыкта XVI-га і тыбецкага лідэра Далай-Ламы, зазначыў, што для яго і яго суайчыннікаў Лех Валенса - гэта “чалавек-легенда”. "Для мяне гэта вялікі гонар, пастараюся, каб статуэтка перайшла ў добрыя рукі," - дадаў Шушкевіч. Tue, 13 May 2008 19:13:40 +0200 http://www.3dway.org/node/8835 http://www.3dway.org/node/8834 Акцыя супраць "пераходу ў спадчыну прастола" прайшла ў беларускай сталіцы каля гандлёвага цэнтру "Кірмаш". Сярод мінакоў хадзіў чалавек у масцы з вусамі і каронай на галаве, ён агучваў вядомыя цытаты з выказванняў кіраўніка дзяржавы.   Таксама чалавек у масцы чапляўся да мінакоў і пытаўся, ці пазнаюць яны яго. Пазней высветлілася, што ён шукаў свайго малодшага сына, якому збіраўся перадаць паўнамоцтвы. Аднак гэтага не адбылося з-за маладых людзей, якія напалі на чалавека ў масцы, адабралі карону і павялі яго ў невядомым кірунку. Пасля гэтага на месцы здарэння з'явіліся актывісты, якія разгарнулі транспарант "Не пераходу ў спадчыну прастола!" ("Нет престолонаследию!"). Tue, 13 May 2008 19:10:46 +0200 http://www.3dway.org/node/8834 http://www.3dway.org/node/8833 Сёньня мастака Аляксея Марачкіна выклікалі ў міліцыю Цэнтральнага раёну Менску. Нагадаем, мастака, сябра Сойму Партыі БНФ Аляксея Марачкіна затрымалі напярэдадні Дня Волі. У яго правялі ператрус у майстэрні, канфіскавалі расьцяжкі і транспаранты, а таксама карціну “Лялькі”. Самога мастака арыштавалі на пяць сутак — нібыта за тое, што ён нецэнзурна лаяўся. Арышт мастак правёў у прыёмніку-разьмеркавальніку на Акрэсьціна.   Спадар Марачкін сказаў, што сёньня міліцыянты цікавіліся, хто рабіў плякаты і куды яны былі прызначаныя, а таксама пыталіся пра іхні зьмест. Таксама міліцыянты задавалі пытаньні пра вядомую карціну “Лялькі”. Усе гэтыя рэчы дагэтуль мастаку ня вернутыя.   Міліцыянты склалі пратакол “у сувязі з адміністрацыйнай адказнасьцю”. Аляксей Марачкін патлумачыў:   “Гэтая карціна зьявілася пасьля таго, як па НТВ перадавалі “Куклы”. Гэта было актуальна, цікава глядзець. І я на палатне намаляваў гэтыя шаржаваныя пэрсанажы. Жартавалі, сьмяяліся, адпаведны быў сарказм, і гэта было дазволена. Гэтая праца выстаўлялася ў Палацы мастацтва. Яна была вынята з загашніку, дзе яна ляжала скручаная каля дзесяці гадоў, я яе не выстаўляў. І раптам ім гэта спатрэбілася. Яны будуць раскручваць. Сёньня было ясна ў прысутнасьці адваката, каб мне навязаць абразу першай пэрсоны. Мяне гэта дзівіць, канечне. Хаця ў мяне яна нагадвае хутчэй Бармалея ў такім шаржаваным выглядзе. Аказваецца, гэта пэрсона недатыкальная і нават шарж нельга зь яе рабіць. Пасьля гэтага, яны сказалі, будзе нейкая экспэртыза. Будуць правяраць гэтыя вобразы, вымяраць насы. Як ён, гэты нос, адносіцца да арыгіналу, вусы і гэтак далей”. Tue, 13 May 2008 19:05:54 +0200 http://www.3dway.org/node/8833 http://www.3dway.org/node/8832 Допыт тычыўся сатырычных мультфільмаў пра беларускую ўладу, з нагоды зьяўленьня якіх была распачатая крымінальная справа аб зьнявазе гонару і годнасьці прэзыдэнта РБ. Пра абставіны сёньняшняга допыту Эдуард Мельнікаў распавёў у інтэрвію нашаму карэспандэнту. Мельнікаў: “Гэта - працяг таго "сюжэту", які пачаўся колькі дзён таму, калі ў шмат якіх кватэрах журналістаў рабіліся ператрусы, і шмат якіх журналістаў зьвязвалі з дзейнасьцю замежных радыёстанцый і кампаній. Я маю на ўвазе тую старую крымінальную справу 2005 г. ў сувязі з "анімацыямі". З гэтай нагоды ў мяне на кватэры быў ператрус. І мне сказалі ў КДБ, што я праходжу як сьведка па гэтай крымінальнай справе. Быццам бы я маю дачыненьне да гэтых так званых "мульцікаў". Сёньня выклікалі, каб задаць гэтае пытаньне ўжо вуснамі сьледчага па асабліва важных справах менскай пракуратуры Шабана. Ён спытаў, ці маю я дачыненьне да стварэньне гэтых анімацый, ці ведаю людзей, якія іх стваралі? Ну, што я мог адказаць? Канешне, ня ведаю. Таксама ён спытаў, ці маю я дачыненьне да аналу “Белсат”. Гэта я пацьвердзіў, таму што маю дачыненьне да каналу “Белсат”. Скажам гэтак, мяне называюць каардынатарам каналу ў Беларусі. Я ня ведаю. наколькі гэта адпавядае рэчаіснасьці. Але я сказаў, што я займаюся справаю рэгістрацыі прадстаўніцтва тэлеканалу “Белсат” у Беларусі. Таму што лічу, што становішча, якое зараз назіраецца, ненармальнае. Таму што трэба, каб журналісты - тэлежурналісты, радыёжурналісты, усе -- працавалі легальна, з акрэдытацыяй, ад імя прадстаўніцтва той ці іншай кампаніі ў Беларусі. І таму будзем прыкладаць усе намаганьні, каб прадстаўніцтва такое было зарэгістравана. Раней ворганы пракуратуры і КДБ ужо дапыталі шэраг журналістаў, што трапілі пад ператрусы 27–28 сакавіка. Усіх іх дапытвалі ў якасьці сьведак па крымінальнай справе аб паклёпе на прэзыдэнта ў дачыненьні да Алега Мініча, Паўла Марозава і Андрэя Абозава. Ва ўсіх пыталіся пра палітычныя мультфільмы «Трэцяга шляху» і пра дзейнасьць тэлеканала «Белсат». У жніўні 2005 г. пракуратура г. Мінска завяла крымінальную справу па факце распаўсюду ў інтэрнэце мультфільмаў, якія «зьневажаюць гонар і годнасьць прэзыдэнта Беларусі» (арт. 367 ч 1). Нагодай сталі мультфільмы сатырычнага характару. Спачатку ў межах крымінальнай справы ў якасьці сьведак былі дапытаныя адміністратар сайту грамадзкай ініцыятывы «Трэці шлях» Андрэй Абозаў і каардынатар праекту Павел Марозаў. Супрацоўнікі КДБ правялі ў іх кватэрах ператрусы, забраўшы камп’ютарную тэхніку. У хуткім часе пасьля гэтага А.Абозаў, П.Марозаў і яшчэ адзін падазраваны — А. Мініч — пакінулі межы Беларусі. Tue, 13 May 2008 19:02:17 +0200 http://www.3dway.org/node/8832 http://www.3dway.org/node/8829 17 мая силами гомельского городского центра культуры, совместно с гомельским Рок-центром и при поддержке Городского Исполнительного Комитета организуется Благотворительный марафон по сбору средств в поддержку Добросельского Антона. Концерт состоится на открытой площадке у ледового дворца и будет абсолютно бесплатным для публики. Sun, 11 May 2008 10:09:57 +0200 http://www.3dway.org/node/8829 http://www.3dway.org/node/8828 9 траўня ў Бабруйску падчас святочных мерапрыемстваў на плошчы Перамогі актывісты БУНТ'у павіншавалі ветэранаў з Днём Перамогі - дарылі кветкі, паштоўкі. Трэба адзначыць, што дзядулі і бабулі вельмі прыязна ставіліся да беларускай мовы, выказвалі словы падзякі, ціснулі руку. Можна па-рознаму адносіцца да мэтазгоднасці той вайны, разважаць адно аб змене акупацыйных рэжымаў і выкарыстанні ўладамі жыццяў простых людзей. Аднак не выклікае сумневу наступнае: 63 гады назад нашыя дзяды перамаглі ворага, які спрабаваў захапіць Беларусь. Яны самаахвярна змагаліся за волю Бацькаўшчыны і будучыню сваіх дзяцей. Яны верылі ў перамогу і перамаглі. І яны мусяць быць сёння прыкладам для нас, бо краіна ўсё і цяпер знаходзіцца пад акупацыяй. Ужо ўнутранага ворага - лукашызму. Sat, 10 May 2008 14:04:07 +0200 http://www.3dway.org/node/8828 http://www.3dway.org/node/8826 Днямі прадстаўнікі Міністэрства культуры і Беларускага добраахвотнага таварыства аховы помнікаў гісторыі і культуры (БДТАПГК) на сустрэчы ў Мінску дамовіліся аб супрацоўніцтве ў пытаннях аховы гісторыка-культурнай спадчыны.   У сустрэчы ўдзельнічалі старшыня таварыства Антон Астаповіч і актывісты БДТАПГК — старшыня Беларускай акадэміі архітэктуры заслужаны архітэктар Беларусі Вальмен Аладаў, гісторык архітэктуры Ўладзімір Дзянісаў і архітэктар-рэстаўратар Уладзімір Папруга; намеснік міністра культуры Ўладзімір Грыдзюшка, начальнік кіравання па ахове гісторыка-культурнай спадчыны і рэстаўрацыі Мінкульта Васіль Абламскі, а таксама яго намеснік Ігар Чарняўскі. Удзельнікі сустрэчы дамовіліся аб правядзенні сістэматычных сустрэч для абмеркавання пытанняў, датычных праекту Палажэння аб грамадскім кантролі за выкананнем заканадаўства аб ахове гісторыка-культурнай спадчыны, паскарэнні працэсу распрацоўкі і сцвярджэнні праектаў зон аховы нерухомых гісторыка-культурных каштоўнасцяў, а таксама праблем уліку, захаванні, кансервацыі і рэстаўрацыі помнікаў архітэктуры. Па словах У.Папруга, за апошнія 15 гадоў гэта першая сустрэча прадстаўнікоў Міністэрства культуры з кіраўніцтвам БДТАПГК, якое аб'ядноўвае больш трох тысяч чалавек і на працягу ўсёй сваёй гісторыі займаецца пытаннямі зберажэння гісторыка-культурнай спадчыны. На думку архітэктара-рэстаўратара У.Папруга, калі таварыства сумесна з службоўцамі здолее вярнуць сітуацыю вакол помнікаў архітэктуры ў прававое поле ў Мінску, то гэтая праблема аўтаматычна будзе вырашаная па ўсёй краіне. Sat, 10 May 2008 13:15:19 +0200 http://www.3dway.org/node/8826 http://www.3dway.org/node/8825 Актывіста Андрэя Кіма перавялі пазаўчора з турэмнага шпіталя зноў у менскі сьледчы ізалятар, паведаміла маці вязьня Тацяна Кім. Дзяжурны ізалятара, які гэта пацьвердзіў, не сказаў, у якім стане здароўя вярнулі Андрэя Кіма. Болей за два тыдні таму актывіста паклалі ў шпіталь з захворваньнем вачэй. 7-га траўня Тацяна Кім бачылася з сынам у шпіталі. Жанчына кажа, што сын не выглядаў ужо цалкам здаровым. “Лепш сталі вочы, але я лічу, што яшчэ не зусім паправіліся. У сераду, калі я зь ім размаўляла, яшчэ вочы выглядалі запаленымі”. Нагадаю, Цэнтральны суд Менска асудзіў Андрэя Кіма па паўтара года зьняволеньня за дзеяньні падчас мітынгу прадпрымальнікаў 10-га студзеня, Актывіст нібыта напаў на міліцыянта. Андрэй сваёй віны не прызнаў. Праваабаронцы адзначаюць, што ў судзе не было прадстаўлена доказаў, апроч паказаньняў пацярпелага супрацоўніка ДАІ. Папярэднюю скаргу на прысуд Андрэй Кім ужо накіраваў. Сяргей Парсюкевіч напісаў заяву аб пераводзе яго ў калёнію са сьледчага ізалятара ў Жодзіна. Звычайна вязьні, якія абскардзілі прысуд, такіх заяваў да разгляду скаргі ня пішуць. Што прымусіла вязьня самога прысьпешваць перавод у калёнію? Адвакат Вера Страмкоўская, якая бачылася зь Сяргеем Парсюкевічам, патлумачыла ягоны крок станам здароўя. У прадпрымальніка абвастрылася астма, дактары рэкамэндавалі яму апэрацыю, але са сьледчых ізалятараў у рэспубліканскі турэмны шпіталь на апэрацыю не накіроўваюць. “Што да разгляду скаргі, відаць, Сяргей асабліва на яе не спадзяецца”, – мяркуе жонка прадпрымальніка Натальля Парсюкевіч. Яна засьведчыла і сваю пазыцыю: “Я таксама ад гэтай касацыі нічога добрага не чакаю”. Нагадаю, Сяргея Парсюкевіча асудзілі на 2,5 года зьняволеньня паводле абвінавачаньня ў зьбіцьці міліцыянта. Прадпрымальнік сваёй віны не прызнаў і даводзіў у судзе, што насамрэч гэта яго зьбілі міліцыянты ў турме на Акрэсьціна, куды ён патрапіў пасьля мітынгу прадпрымальнікаў 10-га студзеня. Сяргей Парсюкевіч і ягоны адвакат ужо падалі скаргу на прысуд у Менскі гарадзкі суд. Час разгляду скаргі яшчэ не прызначаны. У інтэрнэце зьявіўся поўны тэкст адказу Аляксандра Казуліна на словы на ягоны адрас Аляксандра Лукашэнкі, сказаныя падчас выступу ў парлямэнце са штогадовым пасланьнем. Аляксандр Казулін заявіў, што не зьбіраецца падаваць у суд за выказваньні, якія лічыць абразьлівымі. На думку былога кандыдата на прэзыдэнта Казуліна, сапраўднаму прэзыдэнту “нельга ўжываць вульгарныя выразы”. Але дачка палітыка Вольга мяркуе, што закрануты гонар ўсёй сям’і і не выключае, што сама зьвернецца ў суд. “Ён сказаў: навошта падаваць у суд на гэтага чалавека? Яму трэба спачуваць, шкадаваць яго. Пры гэтым ён пакінуў за мной права самой вызначацца. Яшчэ буду раіцца зь юрыстамі, ці магчыма падаць ў суд ад майго імя. Калі магчыма, абавязкова гэта зраблю”. Болей за два гады таму Аляксандр Казулін быў асуджаны на 5,5 гадоў зьняволеньня нібыта за хуліганства і арганізацыю вулічных беспарадкаў. Шмат хто ў Беларусі і сьвеце лічыць Казуліна палітвязьнем і змагаецца за ягонае вызваленьне. Sat, 10 May 2008 13:13:00 +0200 http://www.3dway.org/node/8825 http://www.3dway.org/node/8824 Студэнта Еўрапейскага гуманітарнага ўніверсітэта (Вільня) Алега Грубіча ўнеслі ў спіс невыязных. Яму заявілі, што ён ухіляецца ад вайсковай службы. А ў ваенкамаце з хлопцам вельмі хацелі "паразмаўляць" супрацоўнікі КДБ.   У інэрв'ю Еўрарадыё Алег Грубіч распавёў, што ён ехаў цягніком "Смаленск-Вільня" на заняткі. На беларускай мяжы яго высадзілі, заявіўшы, што ягонае імя ўнесенае ў спіс невыязных. У АВІРы па месцы жыхарства хлопцу заявілі, што яго шукае ваенкамат. А ў ваенкамаце паведамілі, што Грубічам цікавіцца КДБ. Грубіч: "Калі мы прыйшлі ў ваенкамат, там на ганку стаялі два супрацоўнікі, якія вельмі пільна хацелі са мной паразмаўляць. Калі я сядзеў у кабінеце ў ваенкамаце, яны зайшлі і зачынілі дзверы... Але ж не войска баюся я!" Хлопец непакоіцца, што спецслужбы могуць перашкодзіць у навуковай і культурніцкай дзейнасці. Алег Грубіч навучаўся ў Акадэміі мастацтваў, адкуль быў адлічаны пасля падзеяў на Плошчы ў сакавіку 2006 года. Фармальнай падставай была названая акадэмічная непаспяховасць. Цяпер А.Грубіч навучаецца на першым курсе ЕГУ на праграме "Гісторыя Беларусі. Культурная антрапалогія". У Вільні ён выступіў адным з арганізатараў нядаўняй агульнанацыянальнай дыктоўкі. Акрамя таго хлопец займаецца вывучэннем японскай мовы, перакладае на беларускую творы Акутагавы, складае беларуска-японскі слоўнік. Sat, 10 May 2008 13:09:10 +0200 http://www.3dway.org/node/8824 http://www.3dway.org/node/8823 Імпартны алкаголь у Беларусь не пастаўляецца ўжо больш за месяц. Сітуацыя з ім, па звестках Інтэрнэт-выдання "Беларускія навіны", па-ранейшаму застаецца нявызначанай.    Над тым, хто стане спецімпарцёрам алкагольнай прадукцыі сёлета, ва ўрадзе думаюць ужо месяц. Планавалася, што адмыслова створаная міжведамасная камісія пад кіраўніцтвам віцэ-прэм'ера Андрэя Кабякова назаве імёны шчасліўчыкаў да 15 красавіка. Потым тэрмін адсунулі да канца месяца. Нагадаем, што раней увозам імпартнага алкаголю займаліся каля 30 кампаній. Эксперты не выключаюць, што ўрад можа пайсці па шляху, пракладзеным на тытунёвым рынку: тут спецімпарцёр быў вызначаны ў асобе ўсяго адной арганізацыі — «Беларусьгандаль», падпарадкаванай Кіраўніцтву справамі прэзідэнта. Цяпер удзельная вага імпартных паставак складае ўсяго 4,7% ад усёй алкагольнай прадукцыі на рынку Беларусі. Астатняя частка прыпадае на прадукцыю беларускай вытворчасці. Імпартуецца толькі спіртное, якое не вырабляецца ў краіне або вырабляецца ў недастатковай колькасці. Sat, 10 May 2008 13:05:21 +0200 http://www.3dway.org/node/8823 http://www.3dway.org/node/8819 На месцы цяперашняга будынку музея Вялікай Айчыннай вайны паставяць пяцізоркавы гатэль. Такое меркаванне выказалі супрацоўнікі музея журналістам Інтэрнэт-газеты "Салідарнасць".    Музейныя работнікі даведаліся пра верагоднасць новага будынка з сённяшніх інфармацыйных паведамленняў. Да гэтага яны паслугоўваліся толькі чуткамі. Нагадаем, што Аляксандр Лукашэнка даручыў за два гады пабудаваць каля стэлы "Мінск — горад-герой" на праспекце Пераможцаў новы, сучасны музей Вялікай Айчыннай вайны. Сёння музейны будынак суседнічае на Кастрычніцкай плошчы з Палацам рэспублікі і Палацам прафсаюзаў. У ім — тры паверхі, агульная плошча складае 3600 квадратных метраў. У 25 залах выстаўлена больш за 140 тысяч экспанатаў. Fri, 09 May 2008 07:44:37 +0200 http://www.3dway.org/node/8819 http://www.3dway.org/node/8818 Распачалася працэдура працягу дзеяньня “Акту аб дэмакратыі” ў Беларусі. Яе ініцыяваў кангрэсмэн Сьміт і 9 яго калегаў - як рэспубліканцаў, гэтак і дэмакратаў. Кангрэсмэн-рэспубліканец Крыстафэр Сьміт падаў на разгляд камітэту замежных справаў Палаты прадстаўнікоў, а таксама юрыдычнай і фінансавай службе Палаты законапраект аб працягу дзейнасьці “Акту аб дэмакратыі ў Беларусі” 2004 году. “Акт аб дэмакратыі ў Беларусі” быў прыняты Кангрэсам ЗША у кастрычніку 2004 году. У “Акце” акрэсьлены асноўныя палажэньні палітыкі ЗША ў дачыненьні да Беларусі. У 2006 годзе яго дзеяньне было працягнутае яшчэ на два гады. У прапанаваным законапраекце абноўленая канстатавальная частка, дзе згадваюцца падзеі ў Беларусі апошніх двух гадоў. У пунктах пра дапамогу сродкам масавай інфармацыі у законапраекце апрача тэле- і радыёстанцыяў згадваецца яшчэ і інтэрнэт. Гэты дакумэнт, каб атрымаць статус закону, павінен быць ухвалены Палатай прадстаўнікоў, Сэнатам і падпісаны прэзыдэнтам. Fri, 09 May 2008 07:39:22 +0200 http://www.3dway.org/node/8818 http://www.3dway.org/node/8817 8 траўня апэляцыйная рада Нацыянальнага цэнтру інтэлектуальнай уласнасьці пацьвердзіла права МТС на карыстаньне таварным знакам. Мастак Віктар Маркавец і паэт Алесь Разанаў ад 2007 году спрабуюць давесьці ў судзе сваё аўтарства канцэптуальнай кампазыцыі яйка пасярод квадрату. Гэта супольны праект паэта і мастака, створаны ў 1994 годзе. Цяпер чырвонае яйка ў белым квадраце і белае ў чырвоным — гандлёвы знак кампаніі мабільнай сувязі МТС. Віктар Маркавец тлумачыць, што МТС атрымалі яйкаквадратавы гандлёвы знак ад брытанскай дызайнэрскай фірмы. Фірма ў дамову з МТС уключыла пункт, згодна зь якім яна не нясе адказнасьці перад трэцімі асобамі. Спадар Маркавец у інтэрвію “Свабодзе” заявіў: “У МТС такая пазыцыя абароны — простыя формы (да якіх належаць яйкаквадраты) ня могуць быць творамі мастацтва, маўляў, гэта была наіўная спрэчка. Атрымліваецца, што мы нічога ня можам стварыць? Гэта тыповыя адносіны канкістадораў, якія засвойваюць новыя тэрыторыі для нажывы”. Віктар Маркавец не выключае, што разам з Алесем Разанавым працягне змагацца за права ўласнасьці на “яйкаквадраты”. Мастак падкрэсьлівае, што адстойвае не фінансавы інтарэс, а маральны. Fri, 09 May 2008 07:33:13 +0200 http://www.3dway.org/node/8817 http://www.3dway.org/node/8811 Хотим проинформировать Вас о том, что Офис ОБСЕ (Организация по Безопасности и Сотрудничеству в Европе) в г. Минске проводит публичную лекцию «Организация бесплатной юридической помощи в странах Восточной и Центральной Европы: стандарты и подходы», которая состоится 11 мая 2008 года в г. Минске в Малом зале Дворца Республики с 11-00 до 16-00. Sun, 04 May 2008 09:18:12 +0200 http://www.3dway.org/node/8811 http://www.3dway.org/node/8810 Першымі атрымалі “Карты паляка” былыя жаўнеры Арміі Краёвай і тыя, каго ў даваенныя й пасьляваенныя гады савецкія ўлады саслалі ў Сібір. Кіраўніца не прызнаванага беларускімі ўладамі Саюзу палякаў Анжаліка Борыс сказала, што дзень для гэтага быў абраны таксама невыпадкова: сёньня адзначаецца Дзень Палёніі й палякаў у замежжы. Борыс: “Першыя карты будуць сёньня выдавацца жаўнерам Арміі Краёвай, а таксама тым, хто быў сасланы савецкімі ўладамі ў Сыбір, старэйшым людзям. І я ня бачу для гэтага перашкодаў”. Сёньня ж у Горадні з нагоды сьвятаў Дня Палоніі й палякаў у замежжы адбудзецца канцэрт польскага гурта “Лёмбард”, які вельмі добра вядомы гарадзенцам з 80-х гадоў мінулага стагодзьдзя. Сытуацыя ў Горадні такая, што нікому не даюць арганізаваць імпрэзы, нават консульству Гурт “Лёмбард” удзельнічаў у агітацыйнай кампаніі Качынскіх. Ягоныя выступы заўсёды суправаджаюцца відэастужкай, зьвязанай з падзеямі “Салідарнасьці”. Такія канцэрты ўжо адбыліся ў Мадрыдзе, Лос-Анджэлесе, Чыкага. Актывіст не прызнаванага ўладамі Саюзу палякаў Ігар Банцар распавядае, што яны дамагаліся, каб канцэрт адбыўся ў самай вялікай гарадзенскай залі, але ўлады ім у гэтым адмовілі. Таму канцэрт адбудзецца наўпрост у двары, дзе месьціцца Генэральнае консульства РП у Горадні. Банцар: “Апошнім часам сытуацыя ў Горадні такая, што нікому не даюць арганізаваць імпрэзы, нават консульству. Таму даводзіцца змагацца ў такіх умовах, як ёсьць”. Аднак арганізатары ўсё яшчэ ня маюць пэўнасьці, ці не забароняць улады канцэрт у апошні момант. Борыс: “Ня буду нічога заранёў казаць...” Назаўтра, са слоў Анжалікі Борыс, таксама заплянаваны шэраг сьвяточных мерапрыемстваў з нагоды Дня Канстытуцыі ў Польшчы. Fri, 02 May 2008 16:17:56 +0200 http://www.3dway.org/node/8810