Палёт савы Мінэрвы над Беларусьсю 02/08/2008 - 04:40 / Радыё Свабода Расейскі палітоляг Дзьмітрый Фурман прапанаваў іранічную формулу пра “карупцыю, якая перарастае ў лібэралізм” для апісаньня мэханізму пераходу ад брэжнеўскага “застою” да перабудовы і наступнага краху камунізму. комментарии: 0
Беларусь і Расея Дзьмітрыя Мядзьведзева 02/08/2008 - 04:35 / Радыё Свабода У чым быў сэнс сочынскай сустрэчы Аляксандра Лукашэнкі і Ўладзімера Пуціна? Якія пытаньні на ёй абмяркоўваліся ці маглі абмяркоўвацца, што засталося за кадрам? комментарии: 0
Антон Каліноўскі выключаны з МДЛУ 02/08/2008 - 04:28 / Прэс-група Партыі БНФ Актывіст моладзі БНФ,Антон Каліноўскі,які быў прэвэнтыўна затрыманы і асуджаны на 10 сутак перад акцыяй 21 студзеня, ужо не студэнт МЛДУ. Пра гэта яму паведамілі сёньня ў дэканаце перакладчыцкага факультэту МЛДУ, дзе ён раней навучаўся. Яго сёньня папрасілі прыйсьці ў 14 гадзін у дэканат. Антону ўпершыню паведамілі пра выключэньня празь некалькі дзён пасьля выхаду з Акрэсьціна і ён быў адлічаны быццам бы за непасьпяховасьць.
Сёньня Антон Каліноўскі прыйшоў у дэканат, дзе акрамя намесьніка дэкана па выхаваўчай працы яго чакаў чалавек, які быў падобны на супрацоўніка КДБ. Ён не назваў свайго імя, і таму Антон выйшаў з кабінэту і адмовіўся размаўляць зь імі. Антон сам камэнтуе сытуацыю:
"Мяне затрымоўваюць на судзе ў сяброўкі і абвінавачваюць у нецэнцурнай лаянцы, пасьля мяне выключаюць з унівэрсытэту быццам бы за дрэнныя адзнакі. Зараз я прыходжу забіраць дакумэнты і са мной хочуць паразмаўляць не вядома наконт чаго. Мне ж сказалі, што я ўжо не студэнт. А выключэньне студэнтаў па палітычных матывах стала ўжо звычайнай практыкаў на Беларусі".
Сытуацыю камэнтуе старшыня Рады моладзі БНФ Алесь Каліта:
"На фоне агульнай лібэралізацыі і выпуску палітвязьняў кідаецца ў вочы актывізацыя КДБ і рэпрэсіі ў дачыненьні да моладзевых дэмакратычных актывістаў. Выпадак прэсынгу ў дачыненьні да Моладзі БНФ далёка ня першы. На дадзены момант магу сказаць, то МЛДУ ня можа быць годным партнэрам і сябрам тых эўрапейскіх унівэрсытэтаў, зь якімі ў яго пакуль што ёсьць стасункі. Гэта абазначае, што ў тым выпадку, калі загад пра адлічэньне Антося ўсё ж такі зьявіцца, мы распачнем кампанію разам з нашымі эўрапейскімі моладзевымі партнэрамі, скіраванымі на перагляд стасункаў эўрапейскіх ВНУ з МДЛУ. Тое самае тычыцца і ўсіх астаніх беларускіх ВНУ, зь якіх выключаюць нашых актывістаў". комментарии: 0
Анджэй Вайда: «Катынь» абвінавачвае сталінскі рэжым 02/08/2008 - 04:23 / Хартыя'97 8 лютага ў Гародні ў межах святкавання “Года беларускай дзяржаўнасці-2008” і як працяг кампаніі “Свабоднае кіно” адбудзецца паказ фільма “Катынь” знакамітага польскага рэжысёра Анджэя Вайды.
Напярэдадні паказу на імя арганізатараў прагляду, сябраў гарадзенскай філіі Руху “За Свабоду”, прыйшоў ліст ад Анджэя Вайды, у якім рэжысёр вітае ініцыятыву паказаць фільм “Катынь” у Гародні.
“Гэты фільм не сее нянавісці і не заклікае да помсты, аднак абвінавачвае сталінскі рэжым, які быў бесчалавечным як да ўласнага народу, так і для беларусаў, і для палякаў. Таму гэтая праўда павінна быць прамоўленая, калі мы прагнем сапраўднага яднання між народамі”, - піша Анджэй Вайда ў лісце да арганізатараў паказа.
“Гародня ёсць горадам, які я памятаю з дзяцінства, калі ў 30-я гады жыў разам з бацькамі ў Сувалках – дзе мой тата служыў афіцэрам 41-га палку пяхоты. Менавіта трагічныя падзеі гэтага палка і гісторыю маёй маці паказвае фільм “Катынь”, - тлумачыць вялікі польскі рэжысёр сваё зацікаўленне тэмай растрэлу пад Катынню польскіх афіцэраў савецкімі “энкавэдзістамі” у часе Другой сусветнай вайны. комментарии: 0
У Гродне на месцы канцлагера пабудуюць школу 02/08/2008 - 03:26 / ЕРБ На месцы былога канцлагера ў вёсцы Ласосна, якая цяпер уваходзіць у тэрыторыю Гродна, плануецца пабудаваць школу.
Падчас Другой сусветнай вайны тут утрымлівалі савецкіх палонных салдат. Яшчэ ў снежні тэрыторыя канцлагера была абследавана спецыяльным пошукавым батальёнам, і ў выніку былі знойдзеныя парэшткі савецкіх вайскоўцаў.
Сёння ў Гродне адбылося перазахаванне парэшткаў 361 салдата. З іх удалося ўстанавіць імёны толькі двух чалавек. Парэшткі яшчэ чатырох салдат адпраўленыя на экспертызу. Астатніх пахаваюць пад шыльдай "Невядомага салдата".
Дарэчы, у Гродне на месцы былога перасыльнага лагера знаходзіцца вайсковая частка, а на месцы канцлагера ў вёсцы Калбасіна знаходзіцца спартовая пляцоўка пры школе. комментарии: 0
Аператары сотавай сувязі "БЕСТ" і "Белсел" апынуліся ў крытычнай сітуа 02/08/2008 - 03:25 / ЕРБ У працы аператараў сотавай сувязі "БЕСТ" і "Белсел" складваецца крытычная сітуацыя як з выкананнем паказчыкаў па паслугах сувязі, так і з іх фінансавым становішчам.
Аб гэтым заявіла намеснік міністра сувязі і інфарматызацыі Ларыса Лабковіч. Яна адзначыла, што гадавое заданне па платных паслугах насельніцтву, "БЕСТ" забяспечыў толькі на 13%, "Белсел" — на 58%.
Намміністра ўдакладніла, што заданні гэтым аператарам даваліся, улічваючы, у першую чаргу, іх прапановы. комментарии: 0
