Сустрэча прадпрымальнікаў з чыноўнікамі не дала выніку, будзе страйк 12/26/2007 - 22:20 / ЕРБ Ніякіх канкрэтных прапановаў не пачулі на сённяшняй сустрэчы з дэпутатамі і чыноўнікамі лідэры прадпрымальніцкага руху.
Акрамя старшыні парламенцкай камісіі па прамысловасці, паліўна-энергетычным комплексе, транспарце, сувязі і прадпрымальніцтве Анатоля Паўловіча, прысутнічалі намеснікі міністраў з некалькіх міністэрстваў.
Адзін з лідэраў прадпрымальнікаў Віктар Гарбачоў лічыць, што чыноўнікі і самі “не ведаюць, як выйсці з гэтай сітуацыі”. Гарбачоў і іншыя лідэры прадпрымальнікаў на сустрэчы заявілі, што пакуль не будзе канкрэтных крокаў з боку ўладаў, яны не збіраюцца адступаць.
Прадпрымальнікі заявілі пра сваю гатоўнасць дамагацца адмены прэзідэнцкага ўказа № 760 праз страйк. комментарии: 0
Пэнсіянэрка не чакала падарункаў ад Лукашэнкі 12/26/2007 - 22:18 / Радыё Свабода Пэнсіянэрка зь Пецярбургу Галіна Макеева, якая нядаўна даслала беларускаму кіраўніку Аляксандру Лукашэнку тысячу даляраў, атрымала падзяку ў адказ.
Пра гэта паведамляе інтэрнэт-сайт беларускай амбасады ў Расеі.
Супрацоўнікі беларускай амбасады перадалі сп-ні Макеевай ня толькі ліст ад беларускага лідэра, а таксама падарункі – лядоўню “Атлянт” і тэлевізар “Гарызонт”. Паводле пэнсіянэркі, усё гэта было абсалютнай нечаканасьцю для яе, бо грошы Лукашэнку яна даслала “ад чыстага сэрца” і “дзеля падтрымкі беларускага народу”. У якасьці адрасата яна выбрала беларускага кіраўніка, бо “ён сумленны чалавек, і можа правільна разьмеркаваць суму”. комментарии: 1
Акцыя салідарнасьці зь Фінькевічам насупраць КДБ 12/26/2007 - 22:14 / "Наша Ніва" Сёньня, 26 сьнежня, дзясятак моладзевых актывістаў а 16.30 правялі акцыю салідарнасьці з Артурам Фінькевічам. Яны разгарнулі расьцяжку «Свабоду Фінькевічу», а таксама бел‑чырвона‑белы сьцяг насупраць будынку КДБ, але зь іншага боку праспэкту. Таксама гукалі «Артуру – свабоду». Так яны прастаялі каля пяці хвілінаў.
З КДБ да пікетоўцаў ніхто ня выйшаў, але было бачна, што шмат хто з супрацоўнікаў камітэту назіраў за акцыяй з вокнаў будынкаў. Нікога не затрымалі.
Нагадаем, што сёньня таксама дванаццаць маладзёнаў выйшлі з партрэтамі Фінькевіча да дэпартамэнту выкананьня пакараньняў. Міліцыяй былі затрыманы пяцёра ўдзельнікаў акцыі (Мікіта Шуцянкоў, Наста Ліпніцкая, Паліна Курыловіч, Паліна Дзьякава, Філіп Біканаў), яны цяпер знаходзяцца ў РУУСе Ленінскага раёну. комментарии: 0
Лідэры прадпрымальнікаў сустрэнуцца з дэпутатамі Палаты прадстаўнік 12/26/2007 - 20:35 / ЕРБ Сустрэча лідэраў прадпрымальніцкага руху з групай дэпутатаў Палаты прадстаўнікоў мусіць адбыцца сёння ў Мінску. Пра гэта “Радыё Свабода” паведаміў Віктар Гарбачоў, кіраўнік аргкамітэта ў стварэнні грамадскага аб’яднання “За свабоднае развіццё падпрымальніцтва”.
Яна была запланаваная на 19 снежня, але не адбылася з-за затрымання лідэраў прадпрымальнікаў пасля акцыі на Кастрычніцкай плошчы. Той жа Гарбачоў адсядзеў 15 сутак і толькі ўчора выйшаў на волю.
Віктар Гарбачоў кажа, што перамовы будуць жорсткімі. Мяркуецца, што ў іх возьмуць удзел і прадстаўнікі выканаўчай улады. “Калі адказ уладаў на нашыя патрабаванні будзе адмоўны, дык мы аб’явім 2008 год годам барацьбы прадпрымальнікаў за выжыванне”, — кажа Гарбачоў. комментарии: 0
Налепкі ў падтрымку Беларускіх музыкаў 12/26/2007 - 20:33 / "За свабоду" Сёньня, 26 сьнежня, Моладзь БНФ, якая ўжо колькі месяцаў вядзе кампанію ў абарону Беларускіх музыкаў, выпусьціла і распаўсюдзіла ў Менску 2000 налепак са словамі "Я слухаю беларускую музыку". На налепцы, таксама, пазначаныя тэлефоны, па якіх можна зьвязацца з актывістамі кампаніі і далучыцца да яе. Месяц таму назад моладзьдзю БНФ выпусьціла майкі і значкі з той жа эмблемаю і слоганам. Пэрманэнтна праводзяцца канцэрты ў сядзібе Партыі БНФ, на якіх "забароненыя" музыкі могуць сустрэцца са сваімі прыхільнікамі.
Паводле актывістаў кампаніі, абарона Беларускіх музыкаў будзе працягвацца. Будуць вынаходзіцца новыя віды мерапрыемстваў, новыя акцыі, з дапамогаю якіх можна прыцягнуць увагу да праблемы. комментарии: 0
